Адам бір рет туады, бір рет өледі. Өлім әртүрлі болады: біреу суықтан өледі, біреу қыз үшін өледі, енді біреулер аурудан өледі. Мұндай өлімдерді көргенде құр ғана ренжисің де қоясың. Ал естігеніңде үлкен құрметпен, бас иетін өлім – майданда ерлерше өлу! Мен жаспын, менің өмір сүргім келеді. Ең қызықты өмір әлі де алдымда екенін жақсы білемін. Менің үстімде қызыл әскер киімі, мен армияда жүрген Азия елінің ұлымын.Мен өз елімді қорғаймын; момын да бауырмал, ардақты елім бар! Сол елім мен аттанарда былай деген болатын: «Тас түлегім, мен сені баулыдым, сылап өсіріп, қанатыңды қатырдым. Қиын бір кезең келіп қалды: жау жағадан, бөрі етектен алғалы тұр...» – деген. Мен мұны ұмытпаймын. (Баубек Бұлқышев)Мәтінде қанша тек бітеу буыннан тұратын сөз кездеседі?