Ән кез келген адамның бойына біте бермейтін қасиетті өнер. Осындай текті өнер бойына дарыған, талампаз ән иесі - Қайрат Байбосынов. Қайрат Байбосынов Қарағанды облысы Жаңаарқа ауданында дүниеге келген. Әкесі Әукен ақсақал Жаңаарқа өңіріне күйшілігімен танылса, ал анасы әнші болған. Қайратқа әншілік өнер әкесімен анасынан дарыған. Әукен ақсақал Арқаның әйгілі Тәттімбет, Сайдалы, Сары Тоқа, Қыздарбек, Әбді сынды күйші композиторларының күйлерін өте шебер орындаған. Атақты қобызшы Дәулет Мықтыбаевпен дос болған Қайрат ағаның өнерін жастайынан көзі шалған, қазаққа аты кең тараған жезтаңдай әнші Жүсіпбек Елебеков болды. Жүсіпбек Елебеков Әміреден ән үйренген Арқа ән дәстүрінің майталман орындаушысы. Жүсіпбек Елебеков -Қайрат ағаның алғашқы ұстазы. Қайрат Байбосынов Ақан сері, Біржан сал, Жаяу Мұса, Үкілі Ыбырай, Әсет, Естай сынды қазақтың атақты әнші композиторларының әндеріне ерекше үн қосты. Жастайынан «Бала Біржан» атанған Қайрат Байбосынов бұл күнде қазақ ән өнерінің асқарына айналды.Қайрат Байбосыновтың ұстазы